Partia Socialiste feston sot 29-vjetorin e themelimit të saj. Në Kongresin e 10-të të PPSH, që u mbajt në 12 qershor 1991, u vendos që kjo parti, të shndërrohej nga Partia e Punës në Parti Socialiste.
Gazetarja Jonila Godole në një reagim të saj shprehet se me llogaritë PS nuk mbush 29 por 79 vjeç.
“Apo nuk na pëlqen emri Parti Komuniste, se na kujton Miladinin dhe Dushanin?! Nëse marrim si datë të lindjes 8 nëntorin 1948, kur ia nderruan llagapin në Parti të Punës, i bie të jetë 72 vjeç.
Ndryshimi i emrit më 12 qershor 1991, në Kongresin X, nuk ndryshoi përmbajtjen e saj reale, sa kohë kjo parti nuk u distancua nga krimet e komunizmit dhe nga diktatori Hoxha.
Byroja politike kaloi në Kryesinë e Partisë dhe për të lustruar imazhin e partisë u vendosën nëpër poste të rëndësishme ca intelektualë e shkrimtarë, të cilët u denigruan vit pas viti derisa u larguan vetë ose u dëbuan nga PS”, shprehet Godole.
Reagimi nga Jonila Godole
PS paska ditëlindjen sot dhe mbush 29 vjeç?! Me llogarite e mia sikur na del 79 vjeç (8.11.1941)!
Apo nuk na pëlqen emri Parti Komuniste, se na kujton Miladinin dhe Dushanin?! Nëse marrim si datë të lindjes 8 nëntorin 1948, kur ia nderruan llagapin në Parti të Punës, i bie të jetë 72 vjeç.
Ndryshimi i emrit më 12 qershor 1991, në Kongresin X, nuk ndryshoi përmbajtjen e saj reale, sa kohë kjo parti nuk u distancua nga krimet e komunizmit dhe nga diktatori Hoxha.
Byroja politike kaloi në Kryesinë e Partisë dhe për të lustruar imazhin e partisë u vendosën nëpër poste të rëndësishme ca intelektualë e shkrimtarë, të cilët u denigruan vit pas viti derisa u larguan vetë ose u dëbuan nga PS.
Duartrokitjet e 1000 delegatëve më 12 qershor 1991, për vazhdimësinë e PPSH në “kostum“ të ri, të kujtojnë duartrokitjet e 1500 delegatëve të PS në fund të shkurtit 2020 teksa i premtonin 800 mijë vota gjallë-vdekur për mandatin e tretë udhëheqësit, i cili në thelb është i vetmi që ka ndryshuar në këto 29 vite: nga artist dhe radikal i djathtë antikomunist më 1991, në shembës monumentesh dhe uzurpues pushtetesh.
Modernizimi i emrit nuk ta ndryshon vitin e lindjes. Nuk është turp të plakesh.
