“Polonia dhe Suedia, të vetmet vende europiane që s’e kanë kaluar kulmin e COVID-19”

Polonia dhe Suedia janë vendet e vetme të BE-së që nuk e kanë kaluar kulmin e COVID-19, sipas Qendrës Europiane për Kontroll dhe Parndalim të Sëmundjeve (ECDC).

“Vala e parë e ka kaluar kulmin në të gjitha vendet, përveç Polonisë dhe Suedisë”, tha ECDC në raportin e fundit për vlerësimin e rreziqeve.

Sipas qendrës, kufizimet e vendosura në vendet e tjera të Europës e kanë ulur ritmin e përhapjes së virusit me 80%, që nga data 9 prill, që u konsiderua si kulmi, dhe në 14 ditët e para të rënies.

Ndërsa në Poloni dhe Suedi rënia nuk ka qenë me këto shifra.

LEXO EDHE  Pandemia/ Ekspertët: Pranvera do të jetë normale, por në dimër sërish infektime

28 vendet e monitoruar nga ECDC, në kohën e rënies së kulmit kanë pasur më pak se 20 raste për çdo 100 mijë banorë. Mbretëria e Bashkuar dhe Portugalia ishin të vetmet që kishin më shumë se 20 dhe më pak se 100 raste për 100 mijë banorë, ndërsa Suedia është e vetmja që ka pasur më shumë se 100 raste për çdo 100 mijë banorë.

Megjithatë, ECDC thotë se kjo rritje mund të shpjegohet edhe nga fakti se pikërisht në këtë kohë Suedia e rriti numrin e testimeve.