Koronavirusi/ Rriten sërish shifrat në Maqedoninë e Veriut, 164 raste të reja

Maqedonia e Veriut regjistron sërish shifra të larta në pandeminë koronavirus. Në 24 orët e fundit u raportuan 164 raste të reja me Covid-19, shumë prej tyre në qytetin e Shkupit.

Gjithashtu, në ditën e fundit dhe dy pacientë humbën jetën. Në total Maqedonia e Veriut regjistron mbi 3700 të prekur nga koronavirusi i ri dhe 171 viktima. I lartë është dhe numri i rasteve aktive, mbi 1800 të tillë.

LEXO EDHE  Droga në Malin e Zi, doganierët e Hanit të Hotit vihen në hetim

Pavarësisht këtij shpërthimi të ri të pandemisë, autoritetet nuk do të zgjasin gjendjen e jashtëzakonshme, e cila skadon të shtunën.

Presidenti, Stevo Pendarovski vlerëson se nuk është e nevojshme shtyrja e mëtejshme dhe se nuk ka marrë një kërkesë të tillë nga qeveria.