Shtimi i rasteve me Covid-19, ja institucionet që janë kthyer në vatra

Burime të ndryshme nga Ministria e Shëndetësisë bëjnë me dije se vatrat e reja të infeksionit të koronavirusit në Tiranë janë kryesisht në institucione publike. Tatimet, Kadastra dhe tanimë QSUT-ja e konfirmuar zyrtarisht thuhet se janë problemet kryesore që po provokojnë rritje të numrit të rasteve të reja.

Ky është një lajm që duhet konfirmuar zyrtarisht, por qoftë edhe duke marrë shkas nga fakti se QSUT po kthehet në vatër, na jep të kuptojmë se riaktivizimi epidemik nuk lidhet në fakt me lehtësimin e masave të lëvizjes, por me mosrespektimin e kërkesave të dhëna në mjedise të mbyllura.

LEXO EDHE  I prekur nga Covid-19, humb jetën efektivi i policisë/ Emri+FOTO

Edhe në fazën më kritike të epidemisë, problematike u shfaqën disa fasoneri ku punohet në kontakt të afërt.

Në këtë kuptim qeveria apo autoritetet është mirë të adresojnë kontrollin në këtë drejtim dhe të mos aludojnë për rikthim të kufizimeve pasi kjo do të kishte efekt shumë negativ në çdo drejtim. Duam apo nuk duam, infektimi është i pashmangshëm, por ai duhet kontrolluar sidomos në institucione ku mundësia për kontroll është reale. /Respublica/