Kupa e Shqipërisë/ Përfundojnë pjesët e para të katër ndeshjeve çerekfinale, ja rezultatet

Sapo kanë përfunduar pjesët e para të katër ndeshjeve, të vlefshme për fazën çerekfinale të Kupës së Shqipërisë.

Kështu pas 45 minutave të para, Tirana kryeson 2-1 ndaj Besëlidhjes. Bardheblutë u gjendën në disavantazh në minutën e 12-të ku për miqtë shënoi Hoxha. Gjithsesi kryeqytetasit përmbysën gjithçka brenda pjesës së parë. Fillimisht barazoi rezultatin Batha me anë të një 11-metërshi në minutën e 26-të, ndërsa avantazhin e morën në minutën e 37-të me autor të golit Elton Cale.

LEXO EDHE  “Katër qen japonezë që flasin”, deklarata e trajnerit të njohur që po bën xhiron e rrjetit

Në ndeshjet e tjera, Vllaznia kryeson 2-0 ndaj Teutës. Golat për shkodranët u shënuan nga Zogaj (7’) dhe Hygor (22’). Kukësi udhëheq në transfertë ndaj Apolonisë me rezultatin 0-1 falë një goli të Cooper, ndërsa sfida ndërmjet Bylisit dhe Skënderbeut është në shifrat 0-0.