Eurobondi, ish-zv.ministrja e Ramës: S’ka asgjë spektakolare, risku 33 % më i lartë se 2018

Ish-zv.ministra e Financave në Qeverinë Rama, Irena Beqiraj, përmes një postimi në rrjetet sociale, shprehet se nuk është sukses marrja e një borxhi të ri, por norma e interesit me të cilin merret.

Referuar Eurobondit 650 mln euro, Beqiraj thekson se në 2020 norma e interesit është 33 % më e lrtë se ajo e 2018.

“Bankieri, shpjegon që kur tregjet kanë shumë likujditete (sidomos pas njoftimit të paketës 750 billion euro të Bankës Europiane) dhe interesat apo kthimet e klasave të tjera të letrave me vlerë janë shumë të luhatshme apo janë negative, të huajt do të jenë gati ti japin Shqipërisë borxh me ketë normë .Norma e interesit 3.625% nuk ka asgjë spektakolare”, shkruan Beqiraj.

Postimi nga Irena Beqiraj

Eurobondi dhe Krahasimi me Gjermaninë.

Nëse pyet një bankier do të shpjegonte: “për vlersimin e Eurobondit na duhet të krahasohemi me Gjermaninë dhe të gjithë vendet obligacionet qeveritare të të cilave janë të klasifikuara AAA .
Norma e interesit të portofolit të obligacioneve AAA konsiderohet norma e interesit pa risk ose norma baze. Normat e interesit të portofolit të obligacioneve AAA i gjeni tek Banka Qendrore Europiane”.

Norma e interesit të Eurobondit e vendit = Norma e interesit pa risk + Cmimi i riskut te vendit.

Eshtë pikërisht cmimi i riskut ai që tregon perceptimin që kanë investitorët për riskun e Shqipërisë. Po a është rritur apo ulur ky cmim per vitin 2020 ? Kjo është cështja.

LEXO EDHE  26 kg kokainë e pastër/ Arrestohen tre persona në Itali, mes tyre 2 shqiptarë

2020

Norma e interesit të Eurobondit Shqiptar 3.625

Norma e pa risk -0.239% nga del Cmimi i riskut për Eurobondin 2020 = 3.864%

2018
Norma e interesit të Eurobondit Shqiptar 3.55%
Norma e pa risk +0.54 % nga del Cmimi i riskut për Eurobondin 2018 = 3.01% . Pra në 2020 cmimi i riskut rezulton 0,85% , ose 33% më i lartë se në 2018.

Por a është ky një rezultat spetakolar? Këtë nuk di ta them. Taksisti im mendon që është besim i madh që të huajt jane gati ti japin hua Shqipërisë. E drejtë, fundja të huajt njësoj si taksisti nuk janë budallenj.

Ndërsa bankieri, shpjegon që kur tregjet kanë shumë likujditete (sidomos pas njoftimit të paketës 750 billion euro të Bankës Europiane) dhe interesat apo kthimet e klasave të tjera të letrave me vlerë janë shumë të luhatshme apo janë negative, të huajt do të jenë gati ti japin Shqipërisë borxh me ketë normë .Norma e interesit 3.625% nuk ka asgjë spektakolare.

Vazhdon më shpjegon edhe disa opsione që përdoren në këto raste nga investitorët për të mbuluar riskun. Burrë i komplikuar edhe shumë i mllefosur duket ky bankeri .

Unë i rashe shkurt. Do bashkohem me mendimin e Taksistit. Të huajt e mencëm na besuan, ne nuk jemi Gjermania.