Kryeministri Edi Rama nuk ka kursyer ironizimet ndaj Rudina Hajdarit, e cila drejton Këshillin Kombëtar për Integrimin.
Pas ndërhyrjes së deputetes Hajdari për të ndërprerë fjalën, pasi koha kishte mbaruar, Rama e ka ironizuar duke i thënë Hajdarit, “faleminderit zonja Topalli”.
“Po zonja Topalli, faleminderit zonja Topalli”, u shpreh Rama.
Duket se Kryeministri Rama nuk e ka harruar ish-Kryeparlamentaren, edhe pse nuk e ka pasur fatin e mirë ose të keq, të jetë deputet, gjatë kohës që Kuvendi drejtohej nga Jozefina Topalli. Kujtojmë se Rama ka qenë Kryebashkiak i Tiranës deri në vitin 2011, kohë kur humbi përballë Lulzim Bashës, në zgjedhjet vendore të atij viti.
Më pas Rama mbeti vetëm kryetar i PS-së, dhe në 2013 mori mandatin e Kryeministrit dhe deputetit.
