Nevil Dede: Tirana del 20 pikë para Partizanit edhe sikur sezoni të niste tani!

Trajneri i Shqipërisë U19, Nevil Dede, së fundmi ka folur për situatën në Kategorinë Superiore duke analizuar skuadrat e kryeqytetit, Tiranën dhe Partizanin që aktualisht ndodhen në situata komplet të kundërta.

I ftuar në emisionin “Pressing” në ABC News, Dede “thumboi” skuadrëm e Partizanit duke deklaruar se edhe nëse sezoni do të niste nga java e parë, Tirana përsëri do të shkëputej nga Partizani apo nga rivalët e tjerë.

LEXO EDHE  VIDEO/ Njeriu kundër ariut, kush fiton në mundjen me dorë?!

“Tirana edhe ta nisë tani kampionatin, del 20 pikë sipër Partizanit. Gjetën formacionin e duhur në fitoren e arritur me derbin. Vangjeli po luan qendërmbrojtës me Muçën. Erdhi në formë në momentin e duhur.

Hoxhallari e Doka në mbrojtje, kurse Celhaka plotëson Bathën. Kanë humbur vendin Hasani dhe Osmani dhe nuk mund të bëjë askush polemika, sepse Tirana po i fiton ndeshjet”, tha mes të tjerash Dede.