Ndodh për herë të parë te Infektivi, një pacient del nga intubimi

ISHP njoftoi sot për 36 raste të reja me koronavirus gjatë 24 orëve të fundit duke e çuar në 1 299 numrin total të të prekurve që prej fillimit të pandemisë.

U raportua për 41 të shtruar në spital, 6 prej të cilëve janë në shërbimin intensiv dhe 2 prej tyre janë të intubuar.

Shefja e Shërbimit Infektiv në QSUT, Najada Çomo raporton se për herë të parë në këtë repart një pacient ka dalë nga intubimi.

LEXO EDHE  “Me votë ju firmosni për të ardhmen”/ Publikohet spoti i Sali Berishës për Kuvendin e 11 dhjetorit

Eksperienca ka treguar se dalja nga intubimi ka qenë mjaft e vështirë për pacientët me koronavirus, prandaj edhe këto raste numërohen me gishtat e dorës.

Ky është rasti i dytë i një pacienti me koronavirus që del nga intubimi në Shqipëri. Rasti i parë ishte tek Sanatoriumi disa javë më herët. /abcnews.al