Trajneri i Barcelonës, Quique Setien, i ka siguruar të gjithëve se Lionel Messi do të jetë në formë optimale për ndeshjen parë të rifillimit të La Ligës.
Ai sqaroi gjithashtu se edhe Luiz Suarez është rikuperuar nga dëmtimi afatgjatë dhe do të jetë i gatshëm për sprintin final të sezonit.
“Ndonjë lojtar nuk është stërvitur si masë paraprake, për shkak të ndonjë kontraktimi të lehtë, por Messi është mirë dhe nuk do të ketë asnjë problem për ndeshjen kundër Mallorcës. Nga ana tjetër edhe Suarez është në gjendje shumë të mirë, ka marrë ngarkesën e duhur në stërvitje. Ai është shumë më mirë seç e prisnim, por gjithmonë ka paqartësi pas një kohe kaq të gjatë pa luajtur”, përfundoi tekniku Setien.
Kujtojmë që La Liga rikthehet ditën e enjte më 11 qershor me sfidën Sevilla-Betis, ndërsa Barcelona luan dy ditë më vonë në transfertë kundër Mallorcës.
