Këshilli Politik ka përfunduar mbledhjen 1-orëshe të sotme e cila përmbyll formalisht marrëveshjen për Reformën Zgjedhore. Kjo mbledhje ka shërbyer për të përkthyer pikat e marrëveshjet në tekst ligjor që i çohet Kuvendit për miratim.
Një gjë të tillë e konfirmoi edhe Petrit Vasili në emisionin ”Kjo Javë” në News24, një nga anëtarët e tryezës së Këshillit Politik që tha se as më shumë dhe as më pak është një mbledhje formale ku do përkthehen draftet.
”Mbledhja e sotme e Këshillit Politik është përmbyllje formale. Ka disa elementë që përkthehen në tekst ligjor që i çohet Kuvendit. Ky është qëllimi dhe as më shumë e as më pak. Pasi të gjitha garancitë dhe marrëveshjet janë arritur, dhe më pas do diskutojmë çfarë u arrit, pasi dhe u arritën garancitë shtesë.”- tha Vasili.
