Përveç ndeshjes Bayern Leverkusen-Bayern Munich, e cila u mbyll me rezultatin 2-4 në favor të bavarezëve, në Bundesligën gjermane u luajtën edhe tre takime të tjera.
Kështu skuadra e Leipzig u ndal në fushën e saj nga Paderborn me rezultatin 1-1. Edhe pse djemtë e Nagelsmann kaluan të parët në avantazh përballë skuadrës së Gjasulës, që mban vendin e fundit (Shcick 27’), nuk arritën të merrnin tre pikët e plota. Strohdiek në sekondat e fundit të takimit barazoi për miqtë. Vendasit luajtën me 10-të lojtarë gjatë të gjithë pjesës së dytë pasi Upamecano u ndëshkua me kartonin e dytë të verdhë në minutën e 43-të.
Në ndeshjet e tjera, skuadra e Eintracht Frankfurt është mposhtur në shtëpi me rezultatin 0-2 nga Mainz, duke e komplikuar pozitën e saj në renditje, ndërsa Mainz mori tri pikë të arta. Ndërsa Dusseldorf-Hoffenhaim, u mbyll në barazim spektakolar 2-2.