“Lufta kundër koronavirusit do të ketë përfunduar vetëm kur të mos ketë më virus në asnjë pjesë të botës”.
Është kjo deklarata e bërë këtë të premte nga zëdhënësja e Organizatës Botërore të Shëndetësisë, Margaret Harris, duke konfirmuar se ka pasur rikthime të vrullshme të virusit në disa vende që u hapën pas izolimit.
“Nuk po flas posaçërisht për Europën. Kur nisin lehtësimet njerëzit mendojnë se ka kaluar, por në fakt nuk është kështu. Nuk ka kaluar deri në momentin që virusi të mos jetë në asnjë pjesë të botës”, deklaroi ajo.
Po ashtu OBSH, këshillon edhe punonjësit e shëndetësisë që nuk trajtojnë pacientë të prekur nga Covid-10,
që të mbajnë maska dhe veshje mbrojtëse, në mënyrë që të mos infektohen.
