Një 36 vjeçar shqiptar u arrestua nga policia italiane, pas një kontrolli të ushtruar në makinën e tij. 36-vjeçari ka shfaqur shenja nervozizmi sapo u ndalua nga policia, të cilës i janë shtuar dyshimet për të ushtruar një kontroll të imtësishëm në automjet.
Pas një ekzaminimi, rreth dy kilogramë lëndë narkotike u gjetën të fshehura mes mallrave të tjerë.
Më pas, policia kreu një kontroll në shtëpi dhe në garazh, ku u gjetën edhe 17 kilogramë shtesë marijuanë dhe rreth 300 gr kokainë, si dhe një laborator për paketimin dhe përzierjen e substancave narkotike që shiteshin në tregun e Pizanit.
Garazhi u mbrojt nga një sistem modern i vëzhgimit me video, me siguri për të verifikuar që të mos hynte askush brenda pronës të mbajtur në gjendje të mirë.
Më në fund, kërkimi i shtëpisë bëri të mundur gjetjen e një arsenali armësh, të mbajtur në mënyrë të paligjshme: dy karabina, tre thika me mbi 15 centimetra, një pistoletë airsoft, pa kapak të kuq dhe një armë automatike të markës “Thompson Submachine” kalibër armë 45, nga Lufta e Dytë Botërore, dhe i modifikuar për ta bërë atë më të menaxhueshëm.
36 vjeçari u arrestua për trafik droge dhe mbajtje të armëve dhe u dërgua në burgun “Don Bosco” në Pizë.
