Deputeti Lefter Maliqi u shpreh sot se nuk e kuptonte sepse ndërkombëtarët nuk vendosin gishtin ndaj Kryeministriit Edi Rama, që e quajti “beu i Surrelit”.
“ Unë nuk e di sepse nuk e vendosin gishtin ndaj “beut të Surrelit”, nuk e di kush i shtyn të mos e bëjnë një gjë të tillë, por më vjen keq që që miliona dollarë u hodhën për reformën në drejtësi dhe sot secili nga ne e shikon se
çfarë po ndodh me institucionet e Vetting, KLP, KLGJ, KED”, tha Maliqi në studion e Oranews.
Ai shtoi se uronte që pas kësaj situate të mos qëndronte lobingu serb. “Uroj që mos jenë të vërteta ato që thuhen se deri në nëntor duhet të lihen rehat Rama, Vuçiç dhe Thaçi, dhe kjo me ndikimin e lobit serb. Por mendoj se do të ketë një revoltë qytetarëve qoftë në Shqipëri ashtu edhe në Kosovë. Unë jam për një opozitë revolucionare demokratike, pasi Edi Rama nuk ikën ndryshe”, tha Maliqi.
Sipas tij, pavarësisht pakënaqësive ka ndaj opozitës, qytetarët, përfshi edhe administratën janë të zhgënjyer nga Rilindja, nga Edi Rama.
“Është koha që opozita duhet të ngrihet fuqishëm. Ligjin po e bëjnë kriminelët që sot i gjen në krah të Rilindjes, ndërsa njerëzit e ndershëm mezi shtyjnë muajin me një rrogë”, tha Maliqi.
Ai tha se Rama po ndjek linjën e Erdoganit veçanërisht lidhur me përdorimin e policisë, që e ka kthyer në një polici politike.
“500 apo 600 persona të rekrutuar në policinë e Rilindje, pa numra indentifikues po përdoren politikisht, ndaj unë i kam bërë thirrje qytetarëve që në momentin që në shtëpitë e tyre shton policia, tëo s ua hapin derën por të njoftojnë policinë zyrtarisht pasi ne nuk e dimë më se çfarë janë këto policë me maska dhe pa numra identifikimi”, tha Maliqi.
Në vijim ai tha se opozita parlamentare ka ndërmarrë një nismë, që kërkon edhe mbështetjen e ndërkombëtarëve, lidhur me listat e hapura, një sistem zgjedhor danez, si dhe votën e emigrantëve. Maliqi tha se e mbështet nnjë inisiativë të tillë, por tha se do të votonte një marrëveshje mes mazhorancës dhe opozitës jashtë parlamentit lidhur me reformën zgjedhore.
