Në Tiranë dhe Durrës disa dhjetra qytetarë kanë marshuar në formë proteste ndaj ngjarjes së rëndë të përdhunimit të një vajze 15-vjeçare nga roja i shkollës, një 65 vjeçar që tashmë ndodhet i arrestuar.
Në të dy protestat, disa dhjetra të rinj, të mbështetur edhe nga shoqëria civile, kanë mbajtur në duar pantakrta, një prej të cilave ishte “vdekje pedofilëve”.
“Për fëmijërinë e vjedhur”, “Mbroni vajzat, jo pedofilët’, “Pse nuk raportojmë”, “Marshoj për vajzën dhe mbesat e mia” janë disa nga pankartat që qytetarët mbajnë në duar.
Protestës i është bashkuar edhe deputetja Rudina Hajdari, e cila ka treguar përmes një video live numrin e lartë të qytetarëve që i janë bashkuar këtij marshimi.
Protesta vjen pas denoncimit të krimit, ku roja i shkollës, Abaz Dogu, ka ngacmuar seksualisht vajzën për një vit.
Përveç 65 vjeçarit, në pranga kanë përfunduar edhe tre persona të tjerë, kryesisht të rinj të cilët nëpërmjet shantazhit me video kishin arritur të kryenin marrëdhënie me vajzën.
Më pas roja është hequr nga puna dhe përndjekjen e vajzës e ka bërë në lagje. Ai e shantazhonte vajzën duke i thënë se ia dinte historitë intime që ajo ka pasur në shkollë dhe në një rast ka shkruar pranë banesës së saj në mur “S….. kur*a”.
Pas këtij episodi, vajza është dorëzuar dhe ka kryer marrëdhënie seksuale me 65-vjecarin në një banesë që ai kishte nën kujdes.
Akti është filmuar në celularin e tij dhe më vonë ai ia ka cuar nëpërmjet një rrjeti social këtë video fqinjit të tij 20 vjeç.
Aparatet celulare të 65-vjecarit dhe 20 vjeçarit janë sekuestruar nga policia në cilësinë e provës materiale.
