Ministrja e Shëndetësisë, Ogerta Manastirliu, i ka bërë një thirrje të gjithë qytetarëve të shmangin grumbullimet për të evituar përhapjen e koronavirusit.
Ajo ka ndarë një video sensibilizuese ku thelbësore janë katër këshilla për të shmangur infeksionin.
“Grumbullimet masiv janë rrezik për përhapjen e Covid-19. Përdorni këndin e bërrylit sa herë kolliteni apo teshtini. Përdorni maskën kur frekuentoni ambientet e mbyllura”, thuhet në mesazh.
Apeli i Manastirliut vjen në një kohë kur ka pasur një shfaqje rastesh personash të prekur nga koronavirusi, ndërsa vendi ka shkuar drejt hapjes.
