Karabinierët e Frosinone, në Itali, arrestuan 23 persona, mes të cilëve edhe shtetas shqiptarë, në kuadër të një operacioni kundër një organizate që vepronte në trafikun e drogës.
Operacioni u zhvillua mëngjesin e së mërkurës, ndërsa hetimet kishin nisur më parë pas ankesave ndaj një sipërmarrësi vendas.
Fillimisht policia arrestoi sipërmarrësin dhe më pas arriti të zbulonte anëtarët e organizatës që merrej me trafikun e drogës, kryesisht marihuana dhe hashash, por edhe kokainë.
Në kuadrin e operacionit është sekuestruar një sasi lënde narkotike me peshë 25 kg, e cila ishte paketuar në doza të vogla, gati për shpërndarje.
Vlera e lëndës narkotike në treg llogaritet mbi 300 mijë euro.
Gjatë hetimit, 7 persona janë arrestuar si të dyshuar kryesorë për trafikimin e drogës, 5 të tjerë janë proceduar në gjendje të lirë dhe 10 kontraktorë janë drejtuar në autoritetin administrativ.
Gjithashtu janë konfiskuar 15 mijë euro cash.
