U shpërfytyrua nga një plumb gome gjatë protestës, Kim Kardashian bën gjestin e bukur

Kim Kardashian është ofruar bujarisht për të ndihmuar një protestuese e cila u plagos rëndë nga një plumb gome gjatë fundjavës.

Ylli i reality show-t u trondit kur pa një foto në Twitter, të një vajze që ishte qëlluar në fytyrë teksa po qëndronte në rrugë duke filmuar gjatë një proteste për George Floyd në Louisville, Kentucky.

Fotoja e shpërndarë në Twitter tregon një vajzë të re me një plagë në ballë dhe syrin e saj të majtë të mavijosur dhe të enjtur.

39-vjeçarja u trondit aq shumë nga pamja saqë premtoi se do ta ndihmonte protestuesen duke i paguar faturën e spitalit.
” Kjo është zemërthyese dhe shqetësuese. A di dikush nga ju se si mund të kontaktoj me të? Do të dëshiroja ta ndihmoja atë në kujdesin e saj mjekësor nëse ajo ka nevojë”!– shkruan Kim.

Image

Dhjetra njerëz i bënë tag vajzës, e cila e ka emrin Shannyn, në Twitter në mënyrë që Kim të mund të lidhej me të.

LEXO EDHE  Erjola e "Shes's on Top" rrëfen mes lotësh historinë e trishtë të jetës së saj

Të hënën, Shannyn publikoi një video në Instagram-in e saj për të adresuar akuzat se plaga në fytyrën e saj nuk ishte gjë tjetër veçse makijazh. Por vajza tha se është gjithçka reale dhe në nder të shumë të pafajshmëve që humbën jetën për shkak të racizmit.

Image

Image