Juristi i njohur Ledio Braho i ftuar në ‘Shqipëria live’ ka komentuar edhe skandalin efundit të Drejtorit të Përgjithshëm të Policisë së Shtetit, Ardi Veliu, i cili në tentativë për të justifikuar dhunën ndaj 15-vjeçarit tentoi të denigrojë figurën e nënës së tij duke tentuar ta ‘shesë’ atë si një femër ‘rrugaçe’ që merret me armë dhe promovon dhunën, por në fund ka rezultuar që kjo grua ishte aktore
Braho theksoi se veprimi i Veliut para Komisionit të Sigurisë duke denigruar figurën e një gruaje është vepër penale dhe dënohet me ligj nga 1 deri në 3 vite burg.
‘Në aspekti ligjor Drejtori i Përgjithshëm i Policisë së Shtetit ka kryer dy vepra penale e para është shpifja dhe dyta ndërhyrja e padrejtë në jetën private, e cila ëhstë në rrethana cilësuese sipas paragrafit të tretë e kryer nga një paragraf shtetëror dhe dënohet nga 1 deri në 3 vite burg. Pra nëse Drejtori i Përgjithshëm i Policisë së Shtetit duke shfrytëuar strukturat e Policisë së Shtetit fillon dhe gërmon në instagram dhe facebook kjo ëhstë me të vërtetë tragjikomike. Unë kur mora vesh në fillim që ishte një film dyshova se dikush e ka vënë në lojë ndërkohë që Drejtori i Përgjithshëm i Policisë së Shtetit del dhe bën shpifje para komisionit të sigurisë. Kjo është një vepër penale dhe dënohet nga 1 deri në 3 vjet. Kjo ka vetëm një kontekst që është ai i shkjeles së ligjit. Konteksti i kësaj është që Drejtori i Policisë së Shtetit ka shkelur ligjin dhe për këtë duhet të mbajë përgjegjësi’, u shpreh Braho.
Ndërkohë juristi Braho ka ironizuar edhe heshtjen e deputeteve të mazhorancës të cilat shpesh në deklarata e tyre mediatike bëjnë thirrje për t’i dhënë fund dhunës në familje.
Sipas Brahos të njëjtat deputete që nuk pranojnë dhunën në familje heshtin përballë dhunës shtetërore.
‘Të njëjtat deputete që nuk pranojnë dhunën në familje pranojnë dhunën nga shteti. Dhuna nga shteti është e pranueshme nga to dhe unë nuk pashë asnjë lloj reagimi ‘, tha Braho.
