Një shqiptar, i cili u dënua me 6 muaj burg nga gjykatësi Ahmed Nadim, për prodhim kanabisi, po përballet sot me deportimin nga Britania e Madhe.
Shqiptari, emri i të cilit është Agron Hithi, 36 vjeç, kishte udhëtuar drejt Britanisë së Madhe, pasi kishte paguar 14500 euro.
Mediat britanike shkruajnë se ai ishte larguar nga Shqipëria për t’iu shmangur një konflikti.
Shqiptari u arrestua, ndërsa bënte një jetë të dyfishtë si ‘kopshtar i respektuar’.
Ai u akuzua nga policia se drejtonte një fermë kanabisi.
Gjyqtari Ahmed Nadim, i komunikoi shqiptarit se do të deportohej në vendin e tij të origjinës pasi u shpall i fajshëm për prodhim kanabisi.
Gjykata Mbretërore në Hull tha ndër të tjera se Hithi u largua nga Shqipëria qershorin e kaluar ‘për të evituar një konflikt’ dhe pagoi 14 500 euro për të mbërritur në Britani.
Hithi u soll në Londër dhe më pas në Hull, ku kishte punuar në kantiere të ndryshme, për të shlyer borxhet që kishte ndaj trafikantëve përpara se të kapej në një pronë në Philip Larkin afër Beverley Road, ku ushtronte zanatin e tij të prodhimit të kanabisit.
Paul Nicholson deklaroi: ‘Më 1 prill të këtij viti, policia shkoi në vendngjarje ku dalloi një erë të çuditshme të kanabisit që vinte nga prona dhe të gjitha dritaret ishin të mbuluara me një veshje alumini”.
