I kërkuar nga Italia për trafik droge, arrestohet në Shijak 49-vjeçari

Një 49-vjeçar, në kërkim ndërkombëtar, u arrestua nga policia e Durrësit dhe Zyra e Interpol Tirana.

Sipas një njoftimi zyrtar, shtetasi F.T, banues në Gjepalaj, Shijak, u arrestua me qëllim ekstradimi drejt Italisë.

“Specialistët e Seksionit për Hetimin e Narkotikëve, në bashkëpunim me Komisariatin e Policisë Durrës, si rezultat i shkëmbimit të informacionit me Departamentin e Policisë Kriminale dhe Interpol Tiranën, bënë të mundur lokalizimin, kapjen dhe arrestimin provizor, me qëllim esktradimin drejt Italisë, të shtetasit F. T., 49 vjeç, banues në Gjepalaj, Shijak, Durrës.

LEXO EDHE  Plagosja në ish-Bllok, policia zbardh detaje nga ngjarja

Ky shtetas ishte shpallur në kërkim ndërkombëtar nga Interpol Roma, Itali, në bazë të urdhër-arrestit ndërkombëtar të lëshuar nga Gjykata e Pavias, Itali, për veprën penale “Trafikimi i narkotikëve”.

Arrestimi provizor u krye me qëllim ekstradimin e tij drejt Italisë, mbështetur në “Konventën Evropiane të Ekstradimit” dhe marrëveshjen dypaleshe mbi ekstradimet, nënshkruar mes Republikes së Shqipërisë dhe Italisë”, thuhet në njoftimin zyrtar të policisë.