Dy viktima dhe një i plagosur, si ndodhi atentati me armë zjarri në Laç (Detaje)

Mëngjesin e sotëm ka shkuar në 2, bilanci i viktimave nga atentati me armë zjarri i një nate më parë në Laç. Kujtojmë se rreth orës 22:30 të mbrëmjes së kaluar, një person ende i paidentifikuar, ka qëlluar me armë zjarri ndaj Bujar Lika (Hasanit) duke e lënë të vdekur në vend.

Nga të shtënat mbetën të plagosur 21-vjeçari Kreshnik Tusha, dhe 53-vjeçari Paulin Gjergji i cili ka ndërruar jetë këtë mëngjes në Spitalin e Traumës në Tiranë.

Policia, thuhet se ka shoqëruar mbi 30 persona lidhur me ngjarjen e rëndë të ndodhur mbrëmjen e djeshme në Gjorm të Kurbinit.

Burime për mediat bëjnë me dije se viktimës Bujar Lika, i është gjetur edhe një armë zjarri në dorë, çka dyshohet se është përdorur gjatë shkëmbimit të zjarrit mes tij dhe autorit ende të paidentifikuar që e la të vdekur.

Si ndodhi ngjarja

Një person ka qëlluar me armë zjarri ndaj Bujar Likës përpara një hoteli në Laç. Nga të shtënat fillimisht mbetën të plagosur dy persona, Paulin Gjergji dhe Kreshnik Tusha.

LEXO EDHE  13 raste të reja me Covid-19 në Krujë, kontakte të rasteve të mëparshme

Ngjarja ka ndodhur në superstradën Lezhë-Mamurras në hotelin “AA” në afërsi të Gjormit. Burime për mediat raportuan se i plagosuri Paulin Gjergji u nis për në Spitalin e Traumës në Tiranë, ndërsa raportohej se policia ndodhej në vendngjarje.

Të tjera burime tregojnë për mediat se 21-vjeçari Kreshnik Tusha është paraqitur në urgjencën e këtij qyteti me plagë të rënda në pjesën e poshtme të trupit. Të njëjtat burime raportojnë se i plagosur nga ngjarja ka mbetur edhe autori i cili ende nuk është identifikuar.

Dy të vrarë dhe 1 i plagosur në Kurbin, policia shoqëron mbi 30 persona

LEXO EDHE: 

Detaje/ Si ndodhi vrasja në Laç, kush është viktima dhe dy të plagosurit (Emrat)