Burime për mediat bëjnë me dije se Bujar Lika (Hasani) 37 vjeç, mbeti viktimë e të shtënave me armë zjarri pranë një hoteli në Laç.
Po të njëjtat burime, raportojnë se të plagosur kanë mbetur Paulin Gjergji 53 vjeç dhe Kreshnik Tusha 21 vjeç.
Dyshohet se i plagosur ka mbetur edhe autori i ngjarjes. Pranë trupit të viktimës është gjetur një armë, që nuk dihet nëse është përdorur gjatë shkëmbimit me armë zjarri.
Dyshohet se mes të plagosurve ndodhet dhe autori i ngjarjes, por është ende e paqartë se cili prej të plagosurve është ai.
Shkak i shkëmbimit të zjarrit, mendohet të ketë qenë një konflikt i hershëm mes personave të përfshirë në krim.
Si ndodhi ngjarja
Një person ka qëlluar me armë zjarri ndaj Bujar Likës përpara një hoteli në Laç. Nga të shtënat kanë mbetur të plagosur dy persona, Paulin Gjergji dhe Kreshnik Tusha.
Ngjarja ka ndodhur në superstradën Lezhë-Mamurras në hotelin “AA” në afërsi të Kryqëzimit të Gjormit. Burime për mediat raportojnë se i plagosuri Paulin Gjergji po niset për në Spitalin e Traumës në Tiranë, ndërsa raportohet se policia ndodhet në vendngjarje.
Të tjera burime tregojnë për mediat se 21-vjeçari Kreshnik Tusha është paraqitur në urgjencën e këtij qyteti me plagë të rënda në pjesën e poshtme të trupit. Të njëjtat burime raportojnë se i plagosur nga ngjarja ka mbetur edhe autori i cili ende nuk është identifikuar.
DENONCO