Publicisti Kim Mehmeti ka reaguar ashpër pas vendimit të Gjykatës Kushtetuese në Kosovë, e cila i hap rrugën krijimit të Qeverisë së re me kryeministër Avdullah Hotin.
Në një postim në rrjetet sociale, Mehmeti shkruan se në vend që Kosovën t’ia kthejë popullit dhe votuesve, Gjykata Kushtetuese atë ua dorëzoi zhvatësve të saj ‘proamerikanë’ të dalë nga ‘Strofulli i Gjarprit’!
“Me çka mbase me vetëdije popullin e çon drejtë përçarjeve të mëdha politike!”, shkruan Mehmeti.
Pasi Albin Kurti i shkruante “zgjedhje” në çdo kthim letre presidentit që ia kërkonte emrin e propozimit për mandatar të ri, ky i fundit më 30 prill vendosi që ta mandatojë të nominuarin e LDK-së, Avdullah Hotin për kryeministër.
Në po të njëjtën ditë, LVV u ankua në Kushtetuese dhe arriti ta parandalojë formimin e shpejtë të Qeverisë Hoti, pasi gjykata vendosi që ta marrë masën e përkohshme për ta pezulluar dekretin e presidentit.
Ky pezullim është anuluar me publikimin e aktgjykimin mbrëmë, që mundëson formimin e qeverisë së re me LDK-në, AAK-në, Nismën, Listën Serbe dhe minoritetet tjera, dhe çon për herë të parë në opozitë së bashku LVV-në e PDK-në.
DENONCO