Ish-çifti i njohur, Kejsi dhe Stresi janë vendosur sërish në qendër të vëmendjes. Kjo për shkak të disa deklaratave që Kejsi ka bërë në rrjetet sociale, ku ka lënë të nënkuptohet se i ka dhënë fund marrëdhënies me reperin për shkak të tradhtisë.
“Nëse tradhëton dikë që është i gatshëm të bëjë gjithçka për ju, ju në të vërtetë keni tradhtuar veten nga besnikëria e vërtetë,”- shkroi ajo në një postim në Instagram.
Menjëherë pas kësaj ajo zhvilloi një mini-intervistë me ndjekësit në rrjetin social Instagram ku shtoi akoma më shumë dyshimet.
Ajo u shpreh se pasi të hapen kufijtë do udhëtojë drejt Amerikës për të takuar një shoqe, kur ndërkohë Kejsi duhej të kthehej në Shqipëri ku ndodhet edhe Stresi.
Kejsi gjithashtu hodhi disa kunja drejt tij në pyetjet që drejtuan ndjekësit.
“A mendon se njerëzit përfitojnë nga mirësia e një njeriu?”-e pyeti një nga ndjekësit.
“Normalisht, por gjithsecili tregon veten e vet. Një person nuk duhet të heqë dorë nga virtytet e mira sepse të tjerët nuk dinë ti vlerësojnë,”- u përgjigj ajo.
Ndërsa një tjetër i shkroi: “Çfarë të lëndon më tepër në jetë?”
“Njerëz që të zhgënjejnë pa fund dhe pa mëshirë,”- shtoi Kejsi.
