Një zhvillim i papritur ka ndodhur pas muajsh tensionesh mes reperit Stresi dhe Jozefin Markut, të njohur si Jozi. Pavarësisht debateve publike dhe përplasjeve në rrjet, Jozi është shfaqur në një drekë miqësore me Sali Lushajn, babain e Stresit.
Fotot e publikuara nga vetë Jozi në Instagram kanë ndezur menjëherë aludime për një pajtim të mundshëm mes palëve. Në postim, ai duket në tryezë me Lushajn, ndërsa pamjet janë shoqëruar me një atmosferë të qetë dhe pozitive.
Ky takim vjen pas një periudhe të gjatë konfliktesh, që nisën pas daljes së Jozit nga “Big Brother VIP Albania”. Dy reperat kanë shkëmbyer deklarata të ashpra dhe akuza publike, madje në rrjete sociale qarkulloi edhe një video që ngriti shumë diskutime për marrëdhënien e tyre.
Në një prononcim për mediat, Jozi u shpreh se takimi nuk kishte asnjë prapaskenë dhe se bëhej fjalë për një drekë mes miqsh.
“Ai ka impenjimet e veta, unë të miat. Por ne gëzojmë respekt për njëri-tjetrin dhe për familjet. I urojmë njëri-tjetrit vetëm të mirat,” – tha ai.
