Presidenti Ilir Meta argumentoi kthimin për rishqyrtim në Kuvend të ligjeve. Kreu i Shtetit tha se për njërin prej tyre, atë për Portin e Porto Romanos, Komisioni Europian i ka kërkuar shpjegime Kuvendit dhe i ka bërë thirrje Qeverisë që të vlerësojmë me kujdes shqetësimet e ngritura nga KE dhe operatorët e tjerë.
“Ligji për aktivitetin e turizmit detar, është kthyer sepse ai duhet të zhvillohet në një regjim të sigurtë dhe këtë nuk e garanton mungesa e koherencës me Kushtetutën.
Përdorimi i emërtimeve në gjuhë të huaj, shkronjave që alfabeti nuk i njeh, jo vetëm shkel parimin se gjuha zyrtare është shqipja, por cënon identitetin kombëtar. Uroj që Kuvendi të reflektoje mbi këto çështje.
Ligji për portin në Porto Romano, konstatohet se procedura e aplikuar anashkalon konkurrencën e ndershme, duke hyrë në marrëdhënie të drejtpërdrejtë vetëm me një subjekt.
Kanë mbërritur shqetësim edhe me operatorë të tjerë ekonomikë. Shqetësim ka ngrit edhe KE duke i kërkuar qeverisë shpjegime mbi procedurat e ndjekura. Kuvendi dhe qeveria duhet të vlerësojmë me kujdes shqetësimet e ngritura nga KE dhe operatorët e tjerë”, tha Meta.
Presidenti ka bërë me dije se kohët e fundit do të kalojë më pak kohë me Tiranën politike, por do t’i kushtohet më shumë Shqipërisë së shqiptarëve.
“Zhvillova komunikim me Europa Nostra me të cilën ramë dakord për Hetim ndërkombëtar për çështjen e shembjes arbitrare të TK.
Siç e bëra publike do të kaloj më pak kohë më Tiranën politike dhe do ti kushtohem më shumë Shqipërisë së qytetarëve.
Si president i republikës kam respektuar institucionet e Kosovës, duhet të mbizotërojë sjellja evropaine ndaj institucioneve”, tha Meta.
