FOTO/ Basha vijon takimet me bizneset: Po vuani nga Ramavirusi, është e keqja e madhe

Kreu demokrat Lulzim Basha ka vijuar takimet me qytetarë dhe biznese, në kuadrin e një turi të nisur pak ditë më parë, lidhur me krizën ekonomike në vend.

Sot Basha është takuar me bizneset në Njësinë nr 8 në Tiranë, ku theksoi se ekonomia shqiptare po vuan nga Ramavirusi.

Sipas kreut demokrat, qytetarë dhe biznese po përballen me një krizë të thellë ekonomike: varfëri, papunësi dhe shumë biznese që falimentojnë.

“Qytetarët nuk kanë marrë asnjë ndihmë të premtuar nga Rama. Nuk ka asnjë projekt konkret për të nxjerrë nga kriza e pandemisë ekonomike biznesin e vogël.

LEXO EDHE  Dy të huajve u sekuestrohen 31 000 Euro të padeklaruara në Rinas

Shfaqjeve me regji të propagandës së Edi Ramës ju ka dalë boja. Situata e vështirë ekonomike, xhepat e boshatisur, tavolinat e zbrazëta dhe papunësia alarmante janë e vërteta e hidhur që nuk mund të fshihet.

Ndërkohë që qytetarët janë në pamundësi, Ramavirusi i dha vetëm dje 727 mijë euro inceneratorit të Tiranës.

Kjo qeveri dhe ky kryeministër janë sot barra më e rëndë dhe e keqja më e madhe për qytetarët shqiptarë”, është shprehur Basha.