Aksidenti në Lezhë, humb jetën drejtuesi i motorçikletës

Një aksident me pasojë vdekje është regjistruar në Lezhë mesditën e sotme. Mësohet se shtetasi që ka humbur jetën po udhëtonte me një motorçikletë, kur është goditur nga një automjet.

Viktima M.Gj ka humbur jetën gjatë transportimit drejt spitalit rajonal.

Aksidenti ka ndodhur në fshatin Ishull, ndërsa policia ka ndaluar drejtuesin e mjetit.

Njoftimi i policisë

Lezhë /Informacion paraprak

Sot, rreth orës 12:25, në aksin rrugor Lezhë-Milot, në fshatin Ishull, Lezhë mjeti me drejtues shtetasin J.M., ka aksidentuar mjetin motoçikletë me drejtues shtetasin M.Gj., banues në fshatin Rrilë, Lezhë, i cili ka ndërruar jetë gjatë rrugës për në spital.

LEXO EDHE  Ja sa raste me koronavirus janë zbuluar në Krujë në 24 orët e fundit?

Drejtuesi i mjetit është shoqëruar në ambientet e Policisë për veprime të mëtejshme.

Grupi hetimor po punon për zbardhjen e shkakut të aksidentit.