LIVE- Rama: Java e fundit e kufizimeve dhe zonave me ngjyra

Kryeministri Edi Rama, në një dalje Live në Facebook, të cilën e cilësoi si daljen e fundit sa i takon luftës ndaj Covid-19, tha se virusi ende nuk ka ikur por kjo do të jetë java e fundit e kufizimeve në vendin tonë.

Rama tha se çdo gjë tjetër do të jetë e hapur, përveç dasmave, ceremonive mortore dhe plazheve.

Më tej, kryeministri theksoi se shifrat e fundit në Tiranë nuk janë të mira. Sipas tij shkak janë turmat e njerëzve për atë që ai e quan ‘karakatinën’ e Teatrit po rrezikon ndjeshëm shëndetin e qytetarëve.

“Shfaqjet politike me turma pa asnjë lloj mase por përkundrazi me karshillëk që flet për papërgjegjshmëri, dhe në rastin më të keq për dritëshkurtësi po vijojnë edhe përtej të 3-tave të karakatinës së Teatrit.”-tha Rama

LEXO EDHE  Kjo foto po sjell trazira të reja mes Amerikës dhe Kinës

Gjatë daljes së tij të fundit për koronavirusin, kreu i qeverisë shprehu falenderime të veçanta për mjekët dhe infermierët, teksa u shpreh se bënë krenarë shqiptarët dhe Shqipërinë, duke u treguar jo vetëm heronj të vërtetë, por edhe profesionistë.

“Sjellja individuale e secilit nuk duhet të jetë si më parë, sepse një valë e re infeksioni ndoshta dhe më agresive se e mëparshjma, do të jetë e pashmangshme.”-tha Rama.