Lehtësimi i masave/ Epidemiologu shqiptar: Po bëhet hapje e pakoordinuar, po tentohet infektimi masiv i popullsisë

Lehtësimi i masave izoluese duket se po sjell një shtim të të infektuarve në vendin tonë, ndërsa përpara kemi muajt e verës, kur do të jemi edhe më të lirë, por në të njëjtën kohë edhe më të ekspozuar ndaj virusit.

Epidemiologun Taulant Muka foli sonte për situatën e pandemisë dhe pritshmëritë mbi të në A2. Ai u shpreh se është shqetësues fakti që vatra është në QSUT.

“Shifrat e fundit, besoj se janë një shenjë alarmi pasi po bëjmë një hapje të pakoordinuar. Në Zvicër jeta ka filluar prej javësh dhe nuk ka luhatje të shifrave. Më shqetëson se vatra e infektimit është një vatër spitalore. Kjo do të thotë se në Shqipëri nuk e kanë marrë me seriozitet. Nëse nuk ka ndërgjegjësim te stafet mjekësore nuk dua të mendoj për ndërgjegjësimin te qytetarët. Drejtori i QSUT-së duhet të shkarkohet, pasi është përgjegjësi kryesor për ngjarjen. Ka një protokoll dhe ai duhet të zbatohet”, u shpreh Muka.

LEXO EDHE  Njihuni me parashikimin e motit për këtë javë

Më tej, epidemiologu theksoi se po bëhet një hapje e pakoordinuar në Shqipëri dhe kjo sipas tij, mund të sjellë mbylljen e vendit. Madje, ai shprehet se po tentohet edhe një infektim masiv i popullatës.