Klubet e Premier League kanë votuar sot unanimisht për të rifilluar seancat stërvitore në grup, teksa “Projekti i Rinisjes” është në fazën e dytë.
Vendimi për t’u rikthyer te seancat stërvitore me kontakt të plotë, u bë pas konsultimit me klube,futbollistë, menaxherë, Shoqatën Profesionale të Futbollit (PFA), Shoqatën e Menaxherëve të Lidhjes (LMA) dhe qeverinë.
Gjithashtu nesër klubet do të zhvillojnë takime të mëtejshme për të diskutuar çështje të ndryshme, ku një ndër to pritet të jetë data e rifillimit të Premier League ku klubet do të kenë mundësinë të votojnë.
Deri më tani në Premier League janë testuar 1.744 persona dhe kanë rezultuar pozitivë me Covid-19 vetëm tetë prej tyre, ndërkohë lojtarët dhe stafi i Premier League do të vazhdojnë të testohen dy herë në javë për coronavirus.
