Deputeti Ralf Gjopni ka reaguar pas vendimit të Byrosë së Kuvendit për përjashtimin e tij me 10 ditë.
Gjoni thekson në një postim në rrjetet sociale se ai u përjashtua pasi qeveria “ka frikë nga e vërteta mbi teatrin e korrupsionit!”.
Byroja e Kuvendit e përjashtoi për shkelje të rregullores në sjellje, ndërsa Gjoni thekson se nuk mund të ketë “etikë përballë kësaj arrogance” dhe se “vetëm denoncime dhe lolipop në gojë do kenë”.
“Këta që sot duhet të ishin në burg, sot flasin për etikë parlamentare ndërkohë që i kanë futur kazmën drejtësisë dhe fadromën pasurive kombëtare.
Ndaj unë do vazhdoj të ulëras pa pushim e pa kompromis për këtë padrejtësi që po i bëhet Shqipërisë derisa çdo shqiptar i pavarur e i ndershëm të më bashkohet në betejën për t’a shporrur këtë kastë të korruptuar drejt burgut!“, shkruan Gjoni.
Sipas tij, 7 gra deputete socialiste i janë bindur kokëulur urdhrit të Gramoz Ruçit dhe Taulant Ballës duke kërkuar ‘internimin’ tim, sepse duan të fshehin të vërtetën.
“Produkte të denja listash partiake.
Kuvendi kontrollohet sot prej provincializmit intelektual nën diktatin e mullarit të kashtës që teatri kombëtar u duket si kuti tallashi”, thekson Gjoni.
