Deputetja Rudina Hajdari, pjesë e Këshillit Politik për Reformën Zgjedhore, u shpreh sot, se pikat për të cilën u dakordësuan palët janë të parëndësishme.
Sipas saj, me ndryshimin e kohës për mbajtjen e zgjedhjeve, u mbyllet dera diasporës dhe gjithë emigrantëve që të vijnë në periudhën e verës për votime.
“Sot u ranë dakord për disa çështje pa rëndësi u dakortësuam për një fashë të re të zhvillimit të zgjedhjeve, që të mbahen në periudhat nga 15 prill-15 maj dhe nga 15 tetor – 15 nëntor për të na treguar se duhet koha me më pak temperatuara. Nëse ne do të ndyshojmë fashat e kohës që votojmë ne i mbyllim të drejtën e diasporës, që shumica vjen në qershor për të votuar.
U diskutua financimi i partive politike, ku PD dhe PS kanë rënë dakord që të dyfishohet financimi i partive. Këto lekë vijnë nga taksapaguesit dhe minimumi që mund të bëhet është se pse duhet dyfishimi, duhet të qëndrojmë larg këtyre sistemeve, ti japim shqiptarëve të zgjedhin me referendum nëse duan ndryshimin e sistemit zgjedhor”, tha Hajdari.
Ajo tha se gjatë takimit kishte paraqitur dy propozime, duke theksuar ndryshimin e sistemit zgjedhor dhe ligjit që propozoi për referendum.
“Përvec propozimit të kahershëm që opozita parlamentare ka shtruar për ndryshimin e sistemit zgjedhor, sot propozuam ligjin për referendumet, ligj që i jep fuqi qytetarit që të kishte më shumë vendimmarrje, nëse do e kishim këtë sot nuk do kishim një teatër të shkatërruar, por në këmbë.
I bëj thirrje Bashës dhe PD që të mbështesin këto dy propozime se këto aspirojnë për një Shqipëri demokratike, i bëj thirrje se nuk duhet të rikthehet në krahët e Ramës, këto janë dy zgjedhjet e tij, o do mbështese këto dy propozime, sepse jo vetëm që mbështetet nga aktivistë, çdo demokrat, qytetarë të thjeshtë, ne duhet të ecim para dhe të mos kthehemi prapa dhe Basha e ka veti sa herë që ka vështirësi shkon të krahët e Ramës, këtë radhë mos e bëni, mos i zhgënjeni demokratët nuk është koha e pazareve dhe marrëveshjeve”, tha Hajdari.
