Kristjan Breshanaj, 25 vjeç, u ekzekutua rreth orës 01:00 të 24 majit, ndërsa 1 orë më pas policia gjeti një automjet me targa greke të djegur, duke dyshuar se mjeti është përdorur nga autorët e krimit.
Nga të dhënat e fundit dhe hetimeve që ka nisur policia, dyshohet se i riu është nxjerrë në pritë.
Burime bëjnë me dije se 25 vjeçari ndodhej në banesë dhe është nxjerrë pasi është njoftuar nga persona të tjerë.
Sapo ka dalë nga shtëpia, rreth 10 metra në rrugicë, ai është qëlluar me armë automatike, ndërsa ka marrë 5 plumba në trup që i kanë shkaktuar vdekjen e menjëhershme.
Viktima, sikundër është raportuar është djali i një mjeku të njohur në Vlorë, i cili ndodhej në spitalin rajonal, në shërbim, kur ka ndodhur ngjarja.
Policia raportohet se ka shoqëruar 14 persona, që mund të kenë dijeni mbi rrethanat e ngjarjes.
Mësohet se vitkima kishte 3 muaj që ishte kthyer nga jashtë vendit. Policia ende nuk ka një pistë lidhur me krimin e rëndë.
