Mjeku i njohur Gëzim Xhepa, përmes një postimi në rrjetet sociale, shkruan se masat kufizuese dhe alerti në zonat e kuqe të Covid-19 nuk kanë asnjë kriter epidemiologjik.
Ndërsa e konsideron një parodi torturuese dhe masakruese psikologjike, sociale dhe ekonomike, Xhepa apelon për heqjen e tyre.
“Gjashtë javë nuk pranuat çlirimin e masave shtërnguese, pa asnjë argument, por vetëm me slogane luftarake të një beteje në llogore dhe etiketime për armiqtë e klasës që po minonin luftën popullore…!!!
Dhe ndonëse koha vërtetoi të kundërtën e parashikimeve tuaja panikndjellëse të pikut dhe valës, që logjika epidemiologjike s’ja u pranonte, pasi vdekjet në rajon ju zhgënjyen në iluzionin që kishit krijuar për të qenë referencë e suksesit global.
Në pozicionin e Kasandrës të dështuar, vazhdoni të mbani alertin e zonave të kuqe pa asnjë kriter epidemiologjik të nivelit të rrezikut! Jepini fund kësaj parodie torturuese dhe masakruese psikologjike, sociale, ekonomike, shëndetësore, arsimore për një popull”, shkruan Xhepa.
