Pezullimi i futbollit për shkak të pandemisë së coronavirusit duke se kanë dhënë efektet e para në financat e Manchester United që ka bërë publike rezultatin e 3-mujorit të fundit.
Sipas të dhënave të fundit, borxhi i “Djajve të Kuq” është rritur me 127.4 milionë paund 42%, duke shkuar në 429.1 milionë paund. Klubi ka konfirmuar gjithashtu se do të duhet t’u kthejë transmetueseve televizivë 15 milionë paund. Të ardhurat vjetore të klubit, deri më 31 mars, kanë rënë me 19% (123.7 milionë sterlina).
Si për të mos mjaftuar kjo, shefi i skuadrës, Ed Woodward, ka paralajmëruar se për sa i përket aspektit financiar më e keqja akoma nuk ka ardhur për klubin, pasi humbje të mëdha do të pasojnë në 3 muajt e ardhshëm. “Rezultatet e tremujorit të fundit reflektojnë një pjesë të ndikimit që pandemia ka pasur në financat e klubit, por ndikimi më i madh do të jetë në tremujorin e ardhshëm dhe ato të mëvonshëm. Kemi shumë sfida të rëndësishme përpara dhe është e sigurt të themi se futbolli për disa kohë nuk do të jetë më ai biznesi i zakonshëm.”
“Problemet e pandemisë tani kanë nisur të ndihen gjerësisht në komunitetin e futbollit dhe jo vetëm për klubet, por edhe për futbollistët, tifozët, transmetuesit televizivë, sponsorët dhe shumë aktorët të tjerë. Duhet të kuptojmë se kjo krizë nuk do të zhduket brenda një nate dhe bota do të jetë e ndryshme nga sa ka qenë më parë”, tha Ed Woodward.
DENONCO