Ambasadorja amerikane në Shqipëri, Yuri Kim, për herë të parë pranon se reforma në drejtësi nuk është perfekte, por e konsideron të nevojshme.
Ajo thekson se kjo reformë është e dhimbshme, e ngadaltë dhe shpreson që fjalët për nje marrëveshje prapa krahëve për të vrarë reformën në drejtësi në Shqipëri të jenë të pavërteta.
“Shpresoj që fjalët për një marrëveshje prapa krahëve për të vrarë reformën në drejtësi në Shqipëri të mos jenë të vërteta.
Reforma është e dhimbshme, e ngadaltë & jo perfekte por është e nevojshme, po bën përparim & duhet të vazhdojë”, shkruan Yuri Kim.
Reforma në drejtësi shkaktoi një kaos në të gjithë sistemin, ndërsa prej vitesh vendi përballet me mungesën e Gjykatës Kushtetuese dhe asaj të Lartë.
Përveç kësaj ka një pakënaqësi në rritje ndaj atyre që konsiderohen si institucionet e reja të drejtësisë, që konsiderohen si të kapura nga mazhoranca e Kryemministrit Edi Rama.
Debati më i ashpër është zhvilluar lidhur me mandatin e Ardian Dvoranit, ndërsa Presidenti Ilir Meta i ka kërkuar KLGJ që të shprehet lidhur me çështjen.
