Ditën e sotme në vendin tonë janë raportuar 12 raste të reja me Covid 19 ndryshe nga një ditë më parë ku kishim vetëm 1 të infektuar në 24 orë.
Ish-ministri i Shëndetësisë, Tritan Shehu, ka reaguar lidhur me luhatjet e theksuara të kurbës së infektimeve me Covid nga dita në ditë, të cilat i quan të pabesueshme.
Sipas tij, janë disa arsye që mund të “prodhojnë një kurbë të tillë, si numri shumë i vogël i testimeve të bëra hermetikisht në një laborator, metodat jo profesionale në kërkim dhe lëvizja e shifrave me çelës poshtë tavolinës së “konjukturave”.
“Askush nuk mund t’i besojë kësaj kurbe, pra mos harxhoni më “kohë” me atë dhe as me testimet tuaja! Ndiqeni “ecurinë” e luhatjeve të saj për rastet e prekurave nga Covid 19 në nivel vendi: sot raportohet një “ngritje” me rreth 15 herë më lart se dy ditët e fundit. Para 4-5 ditësh u ul me 9-10 herë brenda 24 orëshit!
7-8 ditë më parë u rrit 6-7 herë…dhe të gjitha këto “luhatje” në hapësirën e 24-48 orësh! Kështu ka variuar në të gjithë këto javë duke paraqitur “kurbën” më të çuditshme e të pa besueshme në botë…përvec Sudanit, ku nuk testohet!
Ndërsa konkluzionet imunologjike as mos i përmendni, për derisa ajo procedurë kaq e rëndësishme ka një kusht, të jetë masive për të qenë e vlefshme, gjë që mund të realizohet lehtësisht në vendin tonë, mjafton të mos pengohen laboratorët për ta realizuar atë”, shkruan Shehu.
