Kryeministri Edi Rama e shembi Teatrin Kombëtar për t´i treguar qytetarëve se nuk do të bëjnë kurrë qytetari.
Regjizori Robert Budina tha se ne duhet ti vemë vetes një qëllim: ri-ndërtimin e Teatrit Kombëtar ashtu sikundër ishte, me të njëjtën pamje si Teatri i ndërtuar në 1938.
Ai tha se qytetarët duhet të firmosin peticionin, ndërsa shtoi se kërkesa e dytë është largimi i Edi Ramës dhe kërkesa e tretë është zbardhja e këtij krimi nga drejtësia.
“Ne nuk kemi asnjë interes, përveç se ti kthejmë qytetarëve dinjitetin. i ftojmë qytetarët të na bashkohen në protest pasi vetëm në këtë mënyrë ne mbrojmë kulturën, dhe më pas gjithkujt i lind e drejta për të kërkuar të tjera gjëra.
I kërkojmë Kryeministrit Edi Rama të largohet, duhet të largohet, se si do të arrihet nuk e di.
Shembja e Teatrit u bë me përdhunë, për të na treguar se s´kemi qytetari. Ne kemi vuajtur shumë indiferencën e faktorit ndërkombëtar, i cili sot po reagon me shpejtësi.
Ne i treguam gjithë Botës se cilin Kryeministër kanë mbështetur. Ne nuk kemi në dorë institucionet, ne kemi shpirtrat në dorë, ne ndezim shpirtrat e njerëzve dhe i bëjmë gjëmën politikanëve”, tha Budina.
