Analisti Armand Shkullaku e ka cilësuar një çështje krimi shembjen e godinës së Teatrit Kombëtar. Në studion e emisionit “Opinion”, ai tha se e gjithë shoqëria duhet të ngrihet dhe të sensibilizohet lidhur me këtë ngjarje.
“Këtu mazhoraca ka bërë një krim dhe e gjithë shoqëria duhet të reagojë. Në Kuvend është bërë një ligj special për Çim Fushën për t’i dhënë ndërtimin e disa kullave dhe pjesën publike të teatrit.
Kur kemi një shtet që vepron në mënyrë kriminale duhet reagimi i gjithë shoqërisë. Krimi duhet ndëshkuar. Teatri është çështje krimi, nuk muund të bëjë gjë opozita duhet të reagojë drejtësia, shoqëria. Reagimi ndërkombëtar ka bërë një reagim në sinkron që këtu kemi të bëjmë me një aferë korruptive. Një regjim nuk korrigjohet. Ka shumë rrugë për të kundërshtuar regjimet. Duhet të ngrihet shoqëria duhet sensibilizuar që të zgjohet”, tha Shkullaku
Duke e cilësuar provincial, si Kryeministrin ashtu edhe Kryetarin e Bashkisë së Tiranës, Shkullaku solli në vëmendje një sërë objektesh të ndryshuara në Tiranë, të cilat ai në fakt i cilësoi të zhdukura.
“Nëse kjo shoqëri nuk e ka ndjeshmërinë, që u përdhunua në 4 të mëngjesit nga një kryetar bashkie provincial dhe një kryeministër që gjithë aktet e karrierës i ka patur për ta bërë Tiranën, nga Tirana në Tirama. Ka zhdukur “Giardino bassato”- kopshtin e ulur mbas Skënderbeut, një vepër unikale që bëhej në atë kohë, zhduku bulevardin me kuti që ishte ndërtuar dhe e asfaltoi, shkatërroi stadiumin. Ku e keni kinema “Republika” dhe “17 Nëntori”, që premtoi që do bëjë privati kullë, por do ta kemi kinemanë brenda. Kemi një provincial kryebashkiak dhe një delirant kryeministër dhe pretendojmë që këta mund të korrigjohen duke i kritikuar. Ky vend i varfër që ska brekë në bythë dhe i ka njerëzit akoma në çadër do harxhojnë 30 milionë euro, se papritur u kujtuan që paskan lekë”, u shpreh Shkullaku./Opinion.al
