Kryetarja e LSI-së, Monika Kryemadhi, deklaroi sot se LSI nuk njeh asnjë vendim të Kuvendit, të marrë me mbi 84 vota.
Në intervistën e dhënë për gazetaren Ilva Tare, Kryemadhi u shpreh se “çdo ligj që nga parlamenti ilegjitim që është me 82 deputetë unë si Monika Kryemadhi por jo vetëm si Monika Kryemadhi por edhe si LSI nuk njohim asnjë vendim të cilin ky parlament e ka miratuar kushdo qoftë”.
Nëse ndodh që ka një rotacion pushteti dhe vini ju në pushtet bashkë me aleatin tuaj PD, a do ta njihni ju rezultatin e deri tanishëm të reformës në drejtësi dhe institucionet që janë ngritur?
Unë kam qenë shumë e qartë, unë nuk do të njoh asnjë ligj dhe asnjë vendim të parlamentit pas djegies së mandateve që është mbi 84 vota, pra çfarë do të thotë? Do të thotë që çdo ligj që nga parlamenti ilegjitim që është me 82 deputetë unë si Monika Kryemadhi por jo vetëm si Monika Kryemadhi por edhe si LSI nuk njohim asnjë vendim të cilin ky parlament e ka miratuar kushdo qoftë.
Pra as anëtarët e Gjykatës Kushtetuese?
Anëtarët e Gjykatës Kushtetuese edhe sikur mos të kishin 84 vota kalonin automatikisht dhe anëtarët e gjykatës së lartë nuk i ka votuar parlamenti kështu që për këtë të jesh e bindur por nuk do të kalojnë ato se kanë hall të mbajnë Dvoranin, nuk kanë për të shpallur asnjë anëtarë të gjykatës së lartë, ashtu kanë për ta lënë derisa të mendojnë që mund të mbarojnë punët e tyre ajo që dua të them është shumë e rëndësishme për të kuptuar që me ilegjimitet nuk mund të legjitimosh ilegjitimitetin pra çdo gjë që kërkon të grabisësh në mënyrë ilegjitime duke menduar që po bën rrugë legjitime nuk e bën dot.
