Kategoria Superiore, zbardhet kalendari për 10 javët e fundit

Ditën e sotme Federata Shqiptare e Futbollit, bëri të ditur se Kategoria Superiore do të rifillojë në datën 3 qershor dhe pritet të përfundojë brenda 29 korrikut.

Gjithashtu nga mbledhja mes zyrtarëve të FSHF-së dhe presidentëve të klubeve, u bë e ditur se edhe Kupa e Shqipërisë do të luajë ndeshjet e saj, pasi koha është e mjaftueshme që edhe ky kompeticion të shpallë fituesen e saj.

Kështu duke pasur parasysh këtë tablo, sektori i garave në FSHF ka përpiluar kalendarin e ndeshjeve të Superiores dhe Kupës.

LEXO EDHE  Milan në kërkim të zëvendësuesit të Kjaer

Kalendari i Superiores: Java e 27-të, 3 qershor; Java 28, 7 qershor; Java e 29, 14 qershor; Java 30, 21 qershor; Java 31, 28 qershor; Java 32, 4 korrik; Java 33, 12 korrik; Java 34, 18 korrik, Java 35, 25 korrik; Java 36, 29 korrik.

Ndeshjet e Kupës: Çerekfinalet, 10 dhe 24 qershor; Gjysmëfinalet, 1 dhe 15 korrik, Finalja 2 gusht

Ndeshjet Playoff: 5 dhe 6 gusht