Veliaj: Presidenti është çmendur, është bërë gazi i Botës

Kryebashkiaku i Tiranës, Erion Veliaj, tha se padia e parë në Gjykatën Kushtetuese lidhur me Teatrin është nul, pasi ligji për të cilën Presidenti iu drejtua Kushtetueses është bërë nul.

“Ligjit i ka mbaruar funksioni dhe të presim ne tani që të na i thotë Kushtetuesja atëherë kjo është të tallesh me inteligjencën. Nëse Presidenti bën gafa, apo e ka kohën e tepërt, qyteti nuk e ka kohën e tepërt.

Siç u çmend Presidenca, mund të çmenden të gjithë, po jeta nuk ndalon. Ligji për të cilën Presidenti, Gjykatës Kushtetuese është nul, atëherë pse duhet të presim ne? Jeta nuk ndalon. Dikush mund të të hedhë në gjyq për ngjyrën e flokëve, çdo bësh do qethesh tullë?

LEXO EDHE  Aksidenti i rëndë, 1 i vdekur dhe 2 të plagosur/ Ja ç´thotë policia

Presidenca është bërë gazi i Botës, dhe unë nuk bëhem gaz i Botës, unë refuzoj të çmendem sikundër është çmendur Presidenti me këshilltarët që ka”, tha Veliaj.

Në vijim të akuzave, Veliaj tha se Presidenti është zgjedhur të jetë Kreu i Shtetit, dhe jo një drejtor komunaleje.