Ish-ministri i Drejtësisë, Ylli Manjani, përmes një postimi në rrjetet sociale, shkruan se shembja e Teatrit Kombëtar është një akt i pastër barbarie.
Sipas Manjanit, qytetërimi nga barbaria dallon më së pari nga raporti që krijon me trashëgiminë kulturore e historike të së shkuarës.
“Qytetërimi e ruan dhe restauron trashëgiminë me fanatizëm. Trashëgimia është vlerë e shoqërisë që vetëm shtohet. Në qytetërim mund të mos pëlqesh të shkuarën, por produktet e saj ruhen e përmirsohen”, shkruan Manjani.
Sipas tij, barbarinë për fat të keq, nuk e kap as Kodi Penal i shtetit normal.
“Ende shpresoj tek qytetaria, megjithë hallet ektreme që provokon rutina…!”, shkruan Manjani.
Postimi nga Ylli Manjani
Qytetërimi nga barbaria dallon më së pari nga raporti që krijon me trashëgiminë kulturore e historike të së shkuarës.
Qytetërimi e ruan dhe restauron trashëgiminë me fanatizëm. Trashëgimia është vlerë e shoqërisë që vetëm shtohet. Në qytetërim mund të mos pëlqesh të shkuarën, por produktet e saj ruhen e përmirsohen.
Shumicat politike në qytetërim, nuk i kundërvihen kurrë memories historike e kulturore.
Barbaria shkatërron çdo gjë. Barbarët nuk duan as gjurmë të së shkuarës e as duan të lënë gjurmë në të ardhmen. Në barabari veprohet sipas rregullit:
Historia fillon sot dhe pas meje u bëftë kjameti!
Gjejeni vetë në çfarë mjedisi jetojmë.
Por, personalisht jam i zhgënjyer thellësisht, kur shoh politikanë e vendimarrës me të cilët vërtetë nuk jam marrë vesh për çështje të ndryshme që lidhen me politikën, shtetin e ligjin, por nuk e besoja kurrë që do kishin këtë raport barabar me trashëgiminë kulturore.
Shëmbja e Teatrit Kombëtar është akt i pastër barbarie! Asnjë dyshim për këtë.
Deklarimet e ndyra zyrtare mbi të janë fyerje e rëndë ndaj ndërgjegjes dhe memories kolektive.
Barbarinë për fat të keq, nuk e kap as Kodi Penal i shtetit normal…
Ende shpresoj tek qytetaria, megjithë hallet ektreme që provokon rutina…!
