Sezoni i ri i kampionatit norvegjez të futbollit do të startojë në 16 qershor. Qeveria e vendit nordik ka dhënë dritën jeshile për rikthimin e futbollit, ndërsa tashmë kanë rinisur edhe stërvitjet e skuadrave në grup.
“Jemi shumë të lumtur që shteti norvegjez na ka dhënë ok-in për rinisjen e futbollit. Edhe pse do të jetë futboll ndryshe pa audiencë, përsëri do të sjellë gëzim dhe entuziazëm për shumë njerëz “, tha presidenti i Federatës Norvegjeze të Futbollit, Terje Svendsen .
Kujtojmë që sezoni për vitin 2020 në Norvegji, parashikohej të fillonte gjatë muajit mars por për shkak të pandemisë së coronavirusit në vend u ndalua çdo aktivitet sportiv.
