Kreu i PAA, Agron Duka dhe Nikolin Jaka, kreu i Dhomës së Tregtisë, debatuan në “Open” lidhur me nismën e Kryeministrit Edi Rama për legalizimin e kanabisit mjekësor.
Duka tha se me paratë e kanabisit janë blerë zgjedhjet, ndërsa duke iu drejtuar Jakës i tha se duhet të ketë frikë nga kjo Qeveri dhe ky Parlament. Jaka mbështet nismën e Ramës dhe solli si shembull Maqedoninë.
Pjesë nga debati:
Jaka: Unë them se kjo duhet kaluar në draft tani dhe mos të qëndrojë si propozim. Po të marrim si shembull Maqedoninë e Veriut e cila e legalizoi për përdorim mjekësor dhe pati ndikim pozitiv në ekonomi.
Duka: Por nuk je shqetëson fare që kjo bëhet tani. Pse nuk e pranoi kur e propozoi Koço Kokëdhima?
Jaka: Kjo nuk është një pyetje që duhet të më bëhet mua.
Duka: Si nuk të shqetëson fakti që ne akuzojmë që Rama vjedh zgjdhjet. Kjo është një mënyrë për të vjedhur zgjedhjet. Rama nuk u konsultua me askënd. Kjo kërkon një debat të madh, ndërsa ky parlament me 122 deputetë kalon çdo ligj të diskutueshëm, jo vetëm në Shqipëri por në mbarë botën.
Jaka: Unë nuk merrem me politikë. Politika në këto 30 vite nuk ka punua në favor të biznesit.
Duka: Duhet të kesh frikë nga kjo qeveri dhe ky parlament pasi mund të kalojë çdo ligj.
