Pas incidenteve në ndeshjen ndaj Serbisë, FSHF është dënuar me një gjobë prej 161,500 franga zvicerane dhe detyrimin që ndeshja e radhës në shtëpi ndaj Letonisë të luhet me të paktën 20% të kapacitetit të stadiumit.
Sipas FSHF, dënimi erdhi për shkak të sjelljeve të përsëritura të papërshtatshme dhe diskriminuese të një pjese të tifozëve shqiptarë (këngë me përmbajtje diskriminuese, hedhje objektesh, ndezje fishekzjarrësh, përdorimi i gjesteve apo mesazheve të papërshtatshme për një ngjarje sportive, si dhe ndërprerje gjatë himneve kombëtare.
“Federata Shqiptare e Futbollit është njoftuar zyrtarisht nga FIFA për një vendim disiplinor pas ndeshjes Shqipëri–Serbi, e zhvilluar më 7 qershor 2025 në stadiumin “Air Albania”.
Sipas vendimit, FSHF dënohet me një gjobë prej 161,500 franga zvicerane dhe detyrimin që ndeshja e radhës në shtëpi ndaj Letonisë të luhet me të paktën 20% të kapacitetit të stadiumit të mbyllur për publikun, për shkak të sjelljeve të përsëritura të papërshtatshme dhe diskriminuese të një pjese të tifozëve shqiptarë (këngë me përmbajtje diskriminuese, hedhje objektesh, ndezje fishekzjarrësh, përdorimi i gjesteve apo mesazheve të papërshtatshme për një ngjarje sportive, si dhe ndërprerje gjatë himneve kombëtare).“, informoi FSHF.
Kujtojmë që FSHF në ndeshjet e fundit të Kombëtares, ka përjshtuar tifozët nga stadiumi, teksa në ndeshjen me Serbinë, ‘Tifozak Kuqezi’, ‘Plisat’ apo ‘Ballistët’, u lanë jashtë ‘Air Albania’.
Këta të fundit kanë kundërshtuar vendimin dhe kanë hedhur akuza ndaj Presidentit të FSHF-së Armando Duka, se qëndron pas këtij vendimi dhe aryseja është organizimi i kampionatit të 21-vjeçarëve me Serbinë.
