Një 47-vjeçar grek, Dimitri Aspioti, është shpallur në kërkim nga policia e Korfuzit pasi dyshohet për rrëmbimin dhe përdhunimin e një 34-vjeçareje shqiptare.
Mediat greke njoftojnë se 47-vjeçari e ka mbajtur për 48 orë shqiptaren, e cila u gjet në një kasolle në Agio Petro, Lefkimi.
Sipas mediave, denoncimin për zhdukjen e 34 vjeçares e ka bërë bashkëshorti i saj, 32 vjeç, i cili nuk e ka gjetur në banesë shqiptaren.
Ai tha per policinë se një natë më parë ishin takuar me Aspiotin, i cili jetonte në Lefkimi.
Aspioti është një emër i njohur për drejtësinë greke. Ai ishte nën masën e sigurisë detyrim paraqitjeje, ndërsa në 2010 ishte akuzuar për përdhunimin e 6 të rinjve britanikë. Dy vjet pas kësaj ngjarjeje ai u dënua me 52 vjet heqje lirie, ndërsa përfitoi nga procedurat ligjore dhe u lirua nga burgu në 2019.
Mediat britanike e kanë cilësuar Aspiotin si “dragoi i Kavos”.
